ဝါသနာပါလို့ မင်းသမီး ဖြစ်လာတာ မဟုတ်တဲ့ မေကဗျာ


"ကိုယ်ကိုတိုင်က ၀ါသနာပါလို့ မင်းသမီးဖြစ်ချင်လို့ ဒီလောကထဲ ရောက်လာတာမဟုတ်ဘူး၊ ကဗျာ ၀ါသနာပါတာ ကျောင်းဆရာမ နဲ့ အက ၊ အဲဒါကြောင့် သမီးလေးကိုလည်း သူအားသန်တဲ့ ပညာရေးကိုပဲ လုပ်ဖို့ အားပေးပါတယ်" လို့ သရုပ်ဆောင် မေကဗျာ မှ "Myanmar Celebrity" သို့ ပြောခဲ့ပါတယ်။



"မေကဗျာ က ရုပ်ရှင်ကားကြီးတို့ ကိုယ့်အတွက် နေရာရမယ့် ဇာတ်လမ်း၊ ဇာတ်အိမ်ကောင်းတာ မျိုးလေးတွေမှာ ရိုက်ရမယ့် ကံမပါဘူးထင်တယ်။ ပြီးခဲ့တဲ့ နှစ်ကလည်း စီးပွားရေး လုပ်လိုက်တဲ့ အတွက်ကြောင့် ရုပ်ရှင်ရိုက်တာကို (၁) နှစ်ကျော်လောက် နားလိုက်သလို ဖြစ်သွားတယ်။ အဲ့ဒါတွေကြောင့် ပရိတ်သတ်နဲ့ အလှမ်းဝေးသလို ဖြစ်သွားတာပါ။ မေကဗျာ့ မှာ သားသမီးရှိတဲ့အတွက် စီးပွားရေးမလုပ်လို့ မရပါဘူး။ မေကဗျာ့ အလုပ်က စက်ချုပ်တာနဲ့ ပန်းထိုးတဲ့ အလုပ်ဆိုတော့ အနုပညာသမားတွေနဲ့ပဲ ပတ်သတ်နေရတဲ့ အတွက် စီးပွားရေးလုပ်ရတာ မခက်ပါဘူး။ ဇာတ်ကားတွေ မရိုက်ဘူးလားဆိုတော့ မေကဗျာ (၁) လပိုင်းကနေ အခုချိန်ထိ နားရက်မရှိ ဇာတ်ကားတွေ ရိုက်နေပါတယ်။"


"သမီးလေးကတော့ အမေနဲ့တူတော့ အနုပညာကို ၀ါသနာမပါ ပါဘူး။ ပညာရေးကိုတော့ အားသန်တယ်။ တစ်ချို့မိဘတွေဆိုရင် ပညာရေးနဲ့ ပတ်သတ်ပြီး အများကြီး ပံ့ပိုးပေးနိုင်တယ်။ ကိုယ်ကျတော့ ပညာရေးဘက်မှာ အားနည်းတော့ သူဖြစ်ချင်တာလေးတွေပဲ ပံ့ပိုးပေးနိုင်ပါတယ" လို့ မေကဗျာ က ပြောခဲ့ပါတယ်။






Related Posts

Scroll to top