အကယ်ဒမီဆု က အနုပညာသမားရဲ့ အသက်ပါပဲ - ဟိန်းမင်း





အနုပညာသက်တမ်း နှစ်(၄၀) ကျော်ဖြတ်သန်းလာခဲ့ပြီး “ ကျွန်” ဇာတ်ကားနဲ့  ပထမဦးဆုံး ဇာတ်ပို့ အကယ်ဒမီဆု ထင်ကြေးပေးခံရတာ ၀မ်းသာတယ်၊ ဒီဆု က အနုပညာသမားတစ်ယောက် အတွက် အသက်ပါပဲလို့ ဟိန်းမင်း က MC သို့ပြောပါတယ်။

“ ပရိသတ်အားလုံးကလည်း ကိုယ်ထင်တာထက်တောင် အားပေးနေကြတာ။ ဖေ့ဘွတ်ထဲမှာ တော်တော်ကြီးကို သတင်းကကြီးသွားတာ။ ကိုယ့်စေတနာ ကိုယ်အကျိူးပေးတာပေါ့လေ။ ကိုယ်တို့ အရင်တုန်းကဆိုရင် အကယ်ဒမီရဖို့တောင် မပြောနဲ့ အကယ်ဒမီ ဖိတ်စာရဖို့တောင် ပွဲတတ်ဖို့မလွယ်ဘူး။ ကိုယ်တို့ခေတ်တုန်းပေါ့။ အကယ်ဒမီဆိုတာက အနုပညာသမားရဲ့ အသက်ပဲ။ ထူးချွန်ဆု လို့သတ်မှတ်တယ်။ မထူးချွန်ပဲနဲ့တော့ မရဘူး။ အဲ့တာတော့ ရှိတယ်။ အကယ်ဒမီ ထူးချွန်ဆုနဲ့ ပက်သက်ပြီးတော့ အနှစ်(၄၀)ကျော် ဒီလုပ်ငန်းမှာ လုပ်လာတာ ၊ ကောလိပ်ဂျင် နေ၀င်းတို့နဲ့တောင် တွဲလာတာ။ ရှေ့မှီနောက်မှီလို့လည်း ပြောလို့ရတယ်။ အကယ်ဒမီထူးချွန်ဆုဆိုတာ အင်မတန်မှ တန်ဖိုးလည်း ရှိတယ်၊ အရေးလည်းကြီးတယ်။ ကုသိုလ်ကံလည်းပါတာပေါ့။ ပရိသတ်တွေ ဖေ့ဘွတ်ကနေအရမ်းအားပေးတာ ကျေးဇူးတင်တယ်” - ဟိန်းမင်း

“ကျွန်” ရုပ်ရှင်ဇာတ်ကားမှာ အကြိုက်ဆုံး ဇာတ်ဝင်ခန်းနဲ့ ပက်သက်ပြီး  “ အကြိုက်ဆုံးကတော့ သမီးကိုပါးရိုက်ပြီးတော့ ဆုံးမတာကိုပဲ။  ကျွန်တော်တို့ က ဘုရားကျွန်ကို တတောင်းစားလို ထင်ထားတာ။  သမီး အဖေတို့ က ဘုရားကျွန်တွေ တတောင်းစားတွေ မဟုတ်ဘူးပေါ့။ အဖေတို့က ဆုတောင်းစားဆိုပြီး  မင်းခိုက်စိုးစံ ရေးပေးထားတာ အရမ်းမိုက်တယ်။ ဇာတ်ကားက ရှည်နေတဲ့အတွက်ကြောင့် ဖြုတ်တဲ့ထဲမှာ ပါသွားတယ်။ ဒီလိုနေရာဆိုတာကလည်း(၁၀) ကားမှာ တစ်ကားလောက် ရချင်မှရတာ။ ဒါ့ကြောင့် ရလာတဲ့ အခွင့်အရေးကို ကိုယ်ကလည်း သုံးတတ်မှလေ၊ မသုံးတတ်ရင်တော့ အလကားဖြစ်သွားမယ်။ ဒါ့ကြောင့် ကိုယ့်ကာရိုက်တာကို ထိထိမိမိလုပ်တာ ” လို့ သူကပြောပါတယ်။
By MyanmarCelebrity


#MyanmarCelebrity #HeinMin

Related Posts

Scroll to top