ဗီဒီယိုဇာတ်ကားတွေမှာ ခေါင်းဆောင်မင်းသမီးနေရာ လက်တွဲခေါ်ယူပေးခဲ့တဲ့ သူထူးစံ ကို မင်းသားတွေထဲမှာ အချစ်ဆုံးပါလို့ သရုပ်ဆောင် အေးမြတ်သူ က MC သို့ပြောပါတယ်။
“ အေးမြတ်သူ အမှန်တိုင်းပြောရင် ဗီဒီယိုလောကထဲကိုရောက်အောင် ခေါင်းဆောင်မင်းသမီးတစ်ယောက်ဖြစ်အောင် ကိုသူထူးစံ က အများကြီးပံ့ပိုးပေးခဲ့တယ်။ အေးမြတ်သူ မော်ဒယ်ပေါက်စအချိန်ကတည်းကပါ။ သူ့ရဲ့ဇာတ်ကားတိုင်းမှာ မင်းသမီး နေရာပေးပြီးတော့ ရိုက်ခဲ့တယ်။ မှတ်မှတ်ရရ ကိုသူထူးစံ ၊ ကိုမင်းရာဇာ၊ ကိုကျော်ကျော် ၊ ဦးလူမင်းတို့ပေါ့ ။ ကိုယ်ခေါင်းဆောင် မင်းသမီးတစ်ယောက် ဖြစ်လာအောင်ပံ့ပိုးပေးခဲ့တဲ့သူတွေပါ ။ အစ်ကိုကလည်း အဲ့ထဲမှာပါပါတယ်။ အစ်ကိုကကြတော့ ဖိုက်တင်ဇာတ်ကားတွေ များတယ် ။ ဖိုက်တင်ကားကြိုက်တဲ့လူတွေကြတော့ အေးမြတ်သူတို့နဲ့ ပိုပြီးတော့ ရင်းနှီးသွားတာပေါ့ ။ ပိုထိတွေ့ခွင့်ရတာ အစ်ကို့ကြောင့်ပါ။ ကိုသူထူးစံကို မင်းသားတွေထဲမှာ ကိုယ့် အစ်ကိုအရင်းလို အရမ်းချစ်တယ်။ အမြဲတမ်းပြောတယ်။ မင်းသားထဲမှာ အချစ်ဆုံး က ကိုသူထူးစံပဲပေါ့။ သူကကြတော့ အရမ်းပွင့်လင်းတယ်။ တစ်ခုခု ပူဆာရင်လည်း အမြဲသည်းခံလိုက်လျောပေးတဲ့ မင်းသားတစ်ယောက်ပါ ” လို့ သူမကပြောပါတယ်။
By MyanmarCelebrity
