အကယ်ဒမီ ထူးချွန်ဆုပေးပွဲမှာ ရသင့်ရထိုက်သူကို အတတ်နိုင်ဆုံး စိစစ်ရွေးချယ်ပြီး ဆုချီးမြှင့်သွားမှာပါလို့ မြန်မာ့ ရုပ်ရှင်အကယ်ဒမီ ဘုတ်အဖွဲ့ဝင် မောင်သီ က MC သို့ပြောပါတယ်။
“ အကယ်ဒမီ ဇာတ်ကားတွေ တောက်လျောက်ကြည့်နေပါတယ်။(၄၀) ကျော်လောက်တော့ ရှိသွားပြီ။ အကယ်ဒမီကတော့ သူတို့သတ်မှတ်ထားတဲ့ စည်းမျဉ်းစည်းကမ်း တွေ အတိုင်းပဲကြည့်တာပါ။ ဒါပေမယ့် ဒီစည်းမျဉ်းတွေကလည်း ခေတ်နဲ့ မလျော်ညီတဲ့ အတွက်ကြောင့်ပြင်ချင်တာ ။ အချိန်မရတော့ဘူး။ အကယ်ဒမီပွဲကလည်း အရမ်း ရက်ကပ်နေပြီ။ အဲ့တာကြောင့် ဥက္ကဌ ဦးဇင်ဝိုင်း က နောက်နှစ်မှ ပြင်ကြပါလို့ပြောတာပေါ့ ။ ဒါကြောင့် အရင်နှစ်တွေအတိုင်း စည်းမျဉ်းတွေအတိုင်းပဲ ပေးတာပေါ့။ ဒါပေမယ့် အရင်နှစ်တွေကလို ပြသနာမဖြစ်အောင် အတတ်နိုင်ဆုံး နဲ့ တစ်ကယ်ရသင့်ရထိုက်တဲ့ သူဖြစ်အောင် စိစစ်မယ်လို့ စဉ်းစားထားပါတယ် ။ ကား(၅၀) ကျော်ဆိုတော့ မဆိုးပါဘူး။ အရင်တုန်းကဆိုရင် (၈) ကားလောက်ပဲရှိတော့ ရွေးရတာ နည်းတယ်။ ဒီနှစ်မှာ ဇာတ်ကား ကောင်းတာလေးတွေ ရှိပါတယ်။ တစ်သက်တာ ထူးချွန်ဆု လည်းပေးမယ်။ ဆု(၁၁) ဆုလုံး အကုန်ပေးမယ်။ ချန်ထားတာလည်း မရှိဘူး။ ဇာတ်ကားကလည်း များတော့ ပေးလို့ရတယ် ” လို့ သူကပြောပါတယ် ။
By - MyanmarCelebrity
#MyanmarCelebrity #MaungThi
