သရုပ်ဆောင် မိုးအောင်ရင် အား ကာမလိမ်လည်ရယူမှု ပုဒ်မ (၄၁၇) ဖြင့် ရည်းစားဟောင်း ဖြစ်သူ ခင်မြတ်နိုး က တရားစွဲဆိုထားတဲ့ အမှုကို ဒီကနေ့ ၊ ဇန်နဝါရီလ (၁၇) ရက်နေ့က ရန်ကုန်၊ ရန်ကင်းမြို့နယ် တရားရုံးမှာ အပြီးသတ် အကြိုညှိနှိုင်း အစည်းအဝေး ပြုလုပ်ခဲ့ပါတယ်။
"အမှုကို ကျေအေးပေးဖို့ ဆန္ဒမရှိပါဘူး။ သူ့ဘက်ကလည်း လာရောက် ညှိနှိုင်းတာလည်း မရှိပါဘူး။ ညှိနှိုင်းရင်လည်း ပြန်လည် ကျေအေးပေးဖို့ ဆန္ဒမရှိပါဘူး" လို့ မခင်မြတ်နိုး က ပြောပါတယ်။
နှစ်ဦးနှစ်ဖက်လုံးက ကျေအေးပေးဖို့ ဆန္ဒမရှိတာကြောင့် အမှုကို ရုံးချိန်း (၃) ချိန်း သတ်မှတ်ပြီး ဆက်လက်စစ်ဆေးသွားမယ်လို့ ရန်ကင်းမြို့နယ် တရားရုံးမှ သတင်းပြန်ကြားရေး အရာရှိ တရားသူကြီး ဦးထွန်းနိုင်ဝင်း က ပြောကြားခဲ့ပါတယ်။
နောက်ထပ် ရုံးချိန်းကိုတော့ ဇန်နဝါရီ (၃၁) ရက်နေ့မှာ ပြန်လည်ချိန်းဆိုထားပါတယ်။
By MyanmarCelebrity #MyanmarActor #MoeAungYin
