ဂီတအလုပ်တွေ လုပ်ကိုင်နေပြီဖြစ်လို့ ရန်ကုန်၊ မြောက်ဒဂုံမှာပဲ မြန်မာအိုင်ဒေါကရတဲ့ ဆုကြေးငွေလေး နဲ့ တိုက်ခန်းဝယ်ပြီး မိန်းမနဲ့အတူတူ နေဖြစ်ပါတယ်လို့ အဆိုတော် သားငယ် က MC သို့ပြောပါတယ်။
“ရန်ကုန်မှာပဲ နေဖြစ်တော့ပါတယ် ။ ဆုရတဲ့ပိုက်ဆံလေး နဲ့ အိမ်လေးဝယ်ထားပြီးတော့ နေတယ်ပေါ့ ။ အဘိုး၊ အဘွား တွေနဲ့လည်း နီးနီးကပ်ကပ်ရှိတဲ့ နေရာလေးမှာ တိုက်ခန်းလေးဝယ်ထားတယ်။ မြောက်ဒဂုံမှာပါ ။ ဂီတအလုပ်တွေလုပ်မယ်ဆိုတော့ နယ်မှာသွားနေဖို့ကလည်း အဆင်မပြေတော့ဘူးလေ။ ရန်ကုန်မှာပဲ အဆင်ပြေမှာဆိုတော့ ဒီမှာပဲ နေဖြစ်တာပေါ့ ။ အရင် မိန်းမမရခင်ကတည်းကလည်း ကျွန်တော်က ရန်ကုန်မှာပဲ နေတာပါ။ ဇာတိကတော့ ရခိုင်ပေါ့လေ။ ၂၀၀၈ ကတည်းက ရန်ကုန်ကို တတ်လာတာ။ မိန်းမရပြီးတော့မှ နယ်ကိုပါသွားတာပေါ့ ။ ပွဲတွေကတော့ ဆိုဖို့ဌားကြတာရှိပါတယ် ” - သားငယ်
သားငယ် က မြန်မာအိုင်ဒေါ မှ ထုတ်ပေးမယ့် သီချင်းခွေထွက်ရှိဖို့ စောင့်နေတယ်လို့သိရပါတယ်။ အဖွဲ့အစည်း နဲ့ ဆောင်ရွက်ရတာဖြစ်လို့ နည်းနည်း ကြန့်ကြာနေတာဖြစ်ပြီး အဆို၊အတီး လည်း ပြီးပြီလို့ သားငယ်ကပြောပါတယ်။
“Title ကတော့ ရွေးထားတယ် ။ ဘယ်ဟာလဲဆိုတာတော့ အတိအကျတော့ မသိသေးဘူး ။ နီးမှပဲပြောချင်တယ်။ ကျွန်တော်က Rock သမားဆိုတော့ Rock ဘက်ကို ပါအောင်တော့ ဆွဲခေါ်ထားတယ်။ ၀င်းဦးတို့ ဂန္တ၀င်သီချင်းတွေ မမမိုး သီချင်းလို ပုံစံလေးတွေလည်း ပါမှာပေါ့လေ ။ ဒီလမဟုတ်ရင်တော့ ရှေ့လထဲ ထွက်ဖြစ်မယ်လို့ ထင်ပါတယ်။” လို့ သူကပြောပါတယ်။
#MyanmarCelebrity #TharNge
